الصدر ضايق وانت ضيقت صدري

من طرف سماسم الأربعاء يناير 06, 2010 8:40 pm

الصدر ضايق وانت .. ضيقت صـدري !!

وانا معك مـن غيـر وجهـة .. وتحديـد

ياكثـر ماتجرحنـي.. ويـزيـد صـبـري

كنك تقول ازيد ..؟ واقـول لـك : زيـد ..

تقول ياعمري .. واقول : انت (( عمري ))

كنـي وراك اسمـع وش تقـول واعـيـد

احيان اسولف فيك .. واحيـان اهـذري ..

كـنـي اســوي للأحاسـيـس تجـديـد

ماراح تلقي ( صدق ، واحسـاس ) كثـري

وأن كان مانـت مصـدق اعطيـك تأكيـد

غنيت لك ( ياللـي علـى البـال تطـري )

وانـا مـن يديـن الصـبـر للمواعـيـد

ورجعت اغني فيك (ماعاد بدري)

لو وقفت دونك ..سـلوم وتـقاليـد..

اشفق على صوتـك مـع اليـل واسـري

حتـى وانـا جالـس بوسـط الاجـاويـد

ياصاحبـي غزيتـنـي غــزو فـكـري

واصبحت تحكمنـي وانـا .. مقـدر احيـد

مو بس (( احبك )) إلا سلمت لـك امـري

ناقـص .. تجـي وتحـط بيدينـي القيـد

صرت اتمنـى بـس .. يعجبـك شعـري

حتى لو انه ماعجـب زيـد ,, وعبيـد ..

من ويـن أببـدا فيـك والوصـف يغـري

نــور الليـالـي,, واحتفالـيـة العـيـد

تلعـب دلـع .. وانـت الـدلـع فـطـري

أي والله ( العـب فيهـم ) وكيدهـم كيـد

عندك خبر !! صوتك رومنسـي وسحـري

واحساسـك اصلـي مامعـك شـي تقليـد

وزينك على بعضـه ( مميـز وحصـري )

إعجاز بـس اعجـاز مـن غيـر تعقيـد

شعرك .. ولا عيونـك .. أو عـاد تـدري

مــاودي افـتـح عـيـون المقـاريـد

تقبـل احساسـي وحـبـي وشـكـري ..

حتـى لـو انــي ماقطـفـت العناقـيـد

وسلم على قلبك تـرى الحـب ,, عـذري

ودوبـك علـى قلبـي .. فدتـك التناهيـد

أمـا تشـوف لوضعنـا حـل جــذري ..

ولا بـلاش نحـب .. ونعيـد .. ونـزيـد