** تلعب على الحبلين **

علمٍ
لفاني دون غايه ومقصود ** اشغل فكر راسي وعكر مزاجه
اشوف في عرض
السماء برق ورعود ** وانا على انظري سوات العجاجه
واقوم واجلس
وامشي شوي واعود ** واسوق رجلي سوق مسرع الحاجه
واحس في صدري جمر
نار ووقود ** واحس كن الكون ضاع ابتهاجه
من سبت اللي بيني
وبينه عهود ** يوم المحبه والغلا والمواجه
حب الشرف مافيه
نقص ولا زود ** نعوم في بحر الهوى بندماجه
اسهر انا وياه
والعالم رقود ** لين الفجر يقبل علي انبلاجه
واليوم لاوالله
ترى العلم موكود ** كلٍ عقب هاليوم يلقا خراجه
لأن قلبك مابه
انسان محدود ** كلٍ تبي تهواه وترغب زواجه
تلعب على الحبلين
والحبل معقود ** والماء الحلو ماتعرفه من هماجه
قطعت حبلٍ بيننا
كان ممدود ** نسيت كل اللي بنينا سياجه
أيام راحت كلها
سهود ومهود ** واليوم عندي مثل تمرٍ خماجه
دنيا تقلب
مالقينا بها فود ** مرٍ تزين ومر فيها انعواجه
تبدلت أيامك
البيض بالسود ** رح ياعسى دربك يزين انفراجه
من يطرد المقفين
عيبٍ ومنقود ** حتى لو ان الجرح صعبٍ علاجه
لاتحسبنك داخل
القلب موجود ** خلاص حبك مات واظلم سراجه
عدك قراح وكم
تمناه مارود ** وانت الذي تبغاه يازين ناجه
بس انتبه لايصبح
الحبل مشدود ** شخصٍ تحبه لاتسبب ازعاجه
عليك باللي يفعل
الطيب والجود ** لاجوه ربعه قام يضحك حجاجه
والا الردي بين
الرياجيل مجحود ** لو زان هرجه خابرينه دجاجه
اللاش ولد اللاش
لو شال بارود ** لاجاء اللقاء قام يتزايد خجاجه
وان جيت بيته
دايم الباب مردود ** يعني حياته كلبوها سماجه
هذا كلامٍ يمت
النون مقصود ** وكلٍ على ماقيل يتبع مزاجه